قصيدة : الحق لازم ينتصر

السلام عليكم .. مجرد رأي
يشرفني أن أقدم إليكم

( الحق لازم ينتصر )

.....
نفض إيديك
إوعاك توسخ صفحتك
قريب تودع دنيتك
الجوارح تشهد عليك
بس إياك تتبرأ
من دمع الصبية
بكت من الجفا والبعد
تنضرب.. تتهد
نتصدم وقت الجد
أو تتعدم
واحنا يدوب
نفوق وبعد شويه
من القلب ننساه
ومانفتكر حتي معناه
وترجع تصرخ البنيه
تولول .. تسنجد
ومفيش موقف بجد
تِضيع بدون ِجهد
من ناس بنعدهم عد
وإمته ياعم نتجرأ
ونتعلم م الِولْدْ
يادوب طلع م المهد
هانت عليه نفسه
وقلبه رق
من أجل كلمة حق
ندهت عليه
شبابه فرط فيه
وصباه
لبي النداء وياه
وراح يرحب بالجهاد
يقدم روحه للبلاد
وانته واللي زيك
واقف تتفرج عليه
ِتسِنْ سكينة فرختك
تِتْخن وتِعْرَضْ
مايهم سوء سمعتك
ولا سما ولا ارض
ولا يملي عينك حد
اتْبَرَّتْ منك نخوتك
تاهت معالمك
حتي الشهامه نسيتك
ياريت تشيل خزنتك
وكفايه بطنك اتملت
وبعيد ان شاالله تنفجر
العيار أصله فلت
والحر لازم ينتحر
لو خاب وصابه زي عملتك
والحق لازم ينتصر
بولاد خلقهم ربهم
ومن حقهم
يبقوا البدايه والنهايه
شايلين الحق رايه
ودا إكمنهم
بوابه يدخلها التاريخ
من أوسع الأبواب
يشهد وسجل التواريخ
عن مجدهم
عن كل نقطة دم
من دمهم
روت بكرامه أرضهم
تطرح ملايكه زيهم
تشيل الرايه من بعدهم
وسكرة الموت جايه
هاتكون ف يوم أكيد
ومش بعيد
تبدأ فيه النهايه
لكل جبان ويبقي عيد
والنصرهايبقي حكايه
تكتبه سطور من دهب
المهم العدو يتغلب
والحق لازم ينتصر
رغم أنف ناس كتير
كفايه قلوبهم تنحصر
ومنهم القلب الضرير
كسر بخاطر الصبيه
والبنيه والقضيه
وكفايه ربك يسترك
في القبر وينده عليك
يوم الحشر يكرمك
وف جنته ينعم عليك


أشكركم
وللجميع تحياتي