ضياء الدين البري السبت مايو 23, 2009 8:37 amأَنَا المَدْعُو بَنِي الإنْسانْ
ورب الْعَرشْ كَرَّمْنِي
أنا المَيَّهْ
أنا الخُضْره
وزي الطِّينه تَكْوِينِي
أنا المَخْدُوعْ
ومش عارف
أنَا المَوْجُوعْ
وانا شايف
بأن الدنيا مش دايمه
ومش هيَّ اللي تلْهِينِي
بِتِنْدَهْلِي
وِتِشْرَحْلِي
وبِتْحَاوِلْ تِتَوَّهْنِي
تِنَسِّينِي عَنَاوِيِنِي
تِسَابِقْنِي
تسهيني
تِلاحِقْنِي
وِرَبْ الكون ينَجِّينِي
يِثَبْتْنِي
يِوَفْقْنِي
لفعل الْخِيرْ بِيِهْدِينِي
ومشْ مغُرُورْ
وكلِّي سرور
أحِبِْ جدا كل البشر
بِكُلْ الْمَعَانِي بَاعِزُّهُمْ
بَوِدُّهُمْ
واخلص لهم
وقَلْبِي جُوَّايَهْ إنْصَهَرْ
ِوهُوَّ دا حُكْمْ الْقَدَرْ
وياريتْ ياقلبي
يحسُّوا بيك ويقدَّروك
ولايجي يومْ ويْكدَّروك
ينافسوا فيك
ويحاربوا ليك
طبيعه جوَّاها اتْخَلَقت
م اللي خلق كل البشر
وبقدرته نطق الحجر
ولولا لطفه ورحمته
كنت اتخنقت
واللا زهقت
وهو دا كان الخطر
لكن صبرت
ومشيت طريقي ف دنيتي
ماسك لجامي ف قبضتي
ومهما سمعت
أصوم واصلي ركعتي
أتوب لربي ف خلوتي
مؤمن وراضي بالقدر
أصلي وأسلم
علي خير البشر
ورب الْعَرشْ كَرَّمْنِي
أنا المَيَّهْ
أنا الخُضْره
وزي الطِّينه تَكْوِينِي
أنا المَخْدُوعْ
ومش عارف
أنَا المَوْجُوعْ
وانا شايف
بأن الدنيا مش دايمه
ومش هيَّ اللي تلْهِينِي
بِتِنْدَهْلِي
وِتِشْرَحْلِي
وبِتْحَاوِلْ تِتَوَّهْنِي
تِنَسِّينِي عَنَاوِيِنِي
تِسَابِقْنِي
تسهيني
تِلاحِقْنِي
وِرَبْ الكون ينَجِّينِي
يِثَبْتْنِي
يِوَفْقْنِي
لفعل الْخِيرْ بِيِهْدِينِي
ومشْ مغُرُورْ
وكلِّي سرور
أحِبِْ جدا كل البشر
بِكُلْ الْمَعَانِي بَاعِزُّهُمْ
بَوِدُّهُمْ
واخلص لهم
وقَلْبِي جُوَّايَهْ إنْصَهَرْ
ِوهُوَّ دا حُكْمْ الْقَدَرْ
وياريتْ ياقلبي
يحسُّوا بيك ويقدَّروك
ولايجي يومْ ويْكدَّروك
ينافسوا فيك
ويحاربوا ليك
طبيعه جوَّاها اتْخَلَقت
م اللي خلق كل البشر
وبقدرته نطق الحجر
ولولا لطفه ورحمته
كنت اتخنقت
واللا زهقت
وهو دا كان الخطر
لكن صبرت
ومشيت طريقي ف دنيتي
ماسك لجامي ف قبضتي
ومهما سمعت
أصوم واصلي ركعتي
أتوب لربي ف خلوتي
مؤمن وراضي بالقدر
أصلي وأسلم
علي خير البشر